අද අපි කතා කරන්නෙ විවාහ රේඛාවලටම සම්බන්ධ තවත් රේඛාවක්‌ පිළිබඳවයි. ඒ තමයි දරුඵල රේඛා. විවාහ ජීවිතයට එළැඹුන යුවලකගේ එකම ආශාව, බලාපොරොත්තු වනුයේ දරු සම්පතක්‌ පිළිබඳවයි. සමාජයේ පැවැත්මට මෙන්ම ක්‍රමික විකාශනයද සිදුවනුයේ දරුවාගේ පැවැත්මෙනි. සමහරු දරුවන් නැතිව පසු තැවෙති. තවත් සමහරු බිහිවුණ දරුවන් නිසා දුක්‌විඳිති. මේ හැම දෙයක්‌ම සිදුවනුයේ පෙර භවයේ තමන් කළ පින් පව් අනුවය. අපිට දරුවන් අහිමිවේවිද, ලැබෙන දරුවන් වාසනාවන්ත අය වේවිද, මෙවැනි නොයෙක්‌ සිතිවිලි නව යුවලකගේ මනස තුළ ඇතිවීම ස්‌වභාවිකයි. මෙවැනි ගැටලුවලට විසඳුම් ඔවුන්ගේ අත්වල පිහිටි දරුඵල රේඛාවලින් පැහැදිලි කරගත හැකිය.
අත්ලක පිහිටන දරුඵල රේඛා අත්ලේ ස්‌ථාන කීපයකින්ම හඳුනාගත හැකිය. පළමුවෙන්ම විවාහ රේඛාවෙන් පෙන්නුම් කරන දරුඵල පිළිබඳව බලමු. සුළැඟිල්ලත් හෘදය රේඛාවත් අතර ප්‍රදේශයේ විවාහ රේඛාවන් පිහිටා තිබෙන බව පසුගිය ලිපියෙන් ඔබ දැනුවත් වෙලා ඇතිනෙ. එහෙම නම් දැන් ඔබේ අවධානය එම රේඛා දෙසට යොමු කරන්න. මේ සමඟ පලවන රූපසටහනිsන් එම රේඛාවල පිහිටීම තේරුම් ගත හැකිවේවි. එම විවාහ රේඛා මත සුළඟිල්ල පැත්තට (උඩුපැත්තට) විහිදෙන සියුම් රේඛා දරුඵල රේඛා වශයෙන් බටහිර හස්‌ත රේඛා විශේෂඥයෝ හඳුන්වති. සමහර අයගේ මෙම රේඛා හෘදය රේඛාව පැත්තටත් විහිදිය හැක. දැන් ඔබ පළමුවෙන්ම එම ස්‌ථානයේ සටහන්වී ඇති දීර්ඝ හා සෘජු රේඛාවලින් පුතාලගේ ගණනත් කෙටිව, ඇදවූ රේඛාත් වෙන වෙනම නිරීක්‍ෂණය කරන්න. දීර්ඝ හා සෘජු රේඛාවලින් පුතාලගේ ගණනත්, කෙටිවූ, ඇදවූ රේඛා තුළින් දූලගේ ගණනත් දැනගත හැකිය. රූපසටහනේ දැක්‌වෙන ආකාරයට වමේ සිට දකුණට මෙම රේඛා ගණන් කළ යුතුය. මේ අනුව කුළුදුල් පුතා හෝ දුව වෙනුවෙන් වැටෙන රේඛාව පිටි අල්ල පැත්තෙන් මුලටම පිහිටන බව දැනගත යුතුය.
විවාහ රේඛාවට අමතරව දරුඵල පිළිබඳව සටහන්වන තවත් ස්‌ථාන කීපයක්‌ම අපේ අතේ පිහිටයි. මහපට ඇඟිල්ලත්, එක ස්‌ථානයක්‌ වේ. මහපට ඇඟිල්ල පාමුල මහපටඇඟිල්ල හා සිකුරු මණ්‌ඩලය වෙන්කරන රේඛාව පිහිටලා ඇති. යවාකාර (වී ඇට ලකුණු) වී ඇට මාලයක්‌ ලෙසින් එය පිහිටා ඇති බව රූපසටහනින් පෙනෙනවා ඇති. මෙහි දිස්‌වන ලොකු වී ඇටවලින් පුතාලගේ ගණනත්, පුංචි වී ඇටවලින් දුවලගේ ගණනත් තීරණය කළ යුතුයි. මෙම රේඛා ගණන් කළ යුත්තේ උඩ සිට පහළටයි. පැහැදිලි වී ඇටවලින් විශේෂ දියුණුවක්‌ ලබන දරුවන් ගැනත් නොපැහැදිලි වී ඇටවලින් දියුණුවෙන් අඩු දරුවන් ගණනත් ප්‍රකාශ වෙයි.
(3) දරුවන් ගැන සටහන් වන තවත් ස්‌ථානයක්‌ තමයි සුඟගිල්ලේ තුන්වැනි පුරුක. එම පුරුකේ කෙලින් අතට විහිදෙන සියුම් රේඛා තුළින්ද දරුඵල ගැන අනාවැකි පැවැසිය හැකි බව හස්‌ත රේඛා විශේෂඥයෝ සොයා ගෙන ඇත. එහිදී ද එම රේඛාවල ප්‍රබල හෝ දුබලතා අනුව පිරිමි, ගැහැනු වශයෙන් දරුඵල තීරණය කළ යුතුය.
(4) අතේ මැද ඇඟිල්ලේ මැද පුරුකට අයිති කොටසද දරුඵල පිළිබඳව අනාවැකි කිව හැකි තවත් ස්‌ථානයකි. මෙම පුරුකට අයිති කොටසේද සියුම් රේඛා ඇත්තේ නම් එම රේඛා ගණන්කර තමන්ට හිමිවන දරුඵල ගණන නිශ්චය කරගත හැකිය.
(5) මහපට ඇඟිල්ල පහළින් සිකුරු මණ්‌ඩලය මත වැටෙන කෙටි රේඛා සලකුණු ඔබ දැන් නිරීක්‍ෂණය කරන්න. එහි දැක්‌වෙන ගැඹුරු සහ ශක්‌තිමත් රේඛාවලින් පිරිමි දරුවන්ගේ ගණනත් දුර්වල රේඛාවලින් ගැහැනු දරුවන්ගේ ගණනත් තීරණය කරගත හැක. මෙම රේඛා ද උඩසිට පහළට ගණන් කළ යුතුය. මෙම සියලු දරු රේඛාමත කළු ලප හෝ දූපත් සලකුණු පිහිටීමෙන් අයහපත් සෞඛ්‍ය තත්ත්වයෙන් යුත් දරුවන් බිහිවන බවත් දැනගත යුතුය.
එකම ස්‌ථානයකින් දරු ඵල රේඛා දෙකක්‌ ගොඩ නැගුනොත් නිවුන් දරුවන් වේ. දරුඵල අනාවැකි පැවසීමේදී පළමුවෙන්ම මතකයේ තබාගත යුතු දෙයක්‌ නම් සිකුරු මණ්‌ඩලයන් පරීක්‍ෂා කිරීමය. අතේ දරුඵල රේඛා පිහිටා තිබුණත් සිකුරු මණ්‌ඩලය දුර්වල නම් දරුඵල නොලැබිය හැකිය. එම ස්‌ථාන බලවත්නම් අනිවාර්යෙන්ම දරුඵල හිමිවේ. එමෙන්ම හෘදය රේඛාවේ කෙලවර ඉදල් ආකාර සලකුණක්‌ ඇතිනම් එවැනි ලකුණක්‌ ඇති ගැබිනියක්‌ ප්‍රවේශම් විය යුතුය. දරුවන් බිහිකිරීමේදී ජීවිත හානි ද විය හැකිය. මේ අයුරින් අඹුසැමි දෙදෙනාගේම අත් පරීක්‍ෂා කිරීමෙන් නිවැරදිවම දරුඵල ගණන කිව හැකි බව ඔප්පු වී ඇත. දරුඵල රෙඛා ඉතා සියුම් හෙයින් බොහෝවිට පියවි ඇසට නොපෙනෙන්නට පුළුවන. මේ නිසා කුඩා දේ ලොකු කර පෙන්වන කැඩපතකින් (මැග්නිසයින් ග්ලාස්‌) පරීක්‍ෂා කළ යුතුය.
හිඹුටානේ පියතිලක ද අල්විස්‌
0 Comments