2015 වසරේ ලග්න පලාඵල

ශ්‍රී බුද්ධ වර්ෂ 2558ක් වූ සිංහල මාස ක්‍රමයේ දුරුතු මස ලබා 1937ක් වූ ශකරාජ වර්ෂයෙන් පුර පසළොස්වක සතිය එළැඹි එකොළොස්වක සුබ තිථිය උදාවී තිබියදී 2015 නව වසර උදාවේ.මේ මොහොත වන විට ධනු ලග්නයත් සිංහ නවාංශකයත් උදාවී පවතී.සදු ග්‍රහයා රවිට අයත් කැති නැකතේ පලමු පාදයේ ගමන් කරමින් සිටී.රවිගේ නැකතක් හෙයින් රවි මහදසාව පවතී.

ලෝකායන මේෂ ලග්න කේන්ද්‍රයේ අටවැන්නේ මාරකස්තානයේ සෙනසුරු ගමන්කරමින් ඒරාශ්ටක තත්වයක් ඇතිකර ඇත.මෙම අසුබ තත්වය 2017.01.26 දක්වා පවතී.ඒ අනුව බටහිර රටවලට විශේෂ අසුභ සිදුවීම් වලට මුහුණ දීමට සිදුවේ.ජනතාව අතර කලකෝලාහල ගැටුම් ඉතා ප්‍රචන්ඩකාරී ලෙස ඇතිවනු ඇත.අප්‍රිකානු කලාපයට වසන්ගත රෝග නිසා දැඩි බලපෑමක් ඇතිවේ.එබෝලා වැනි රෝග ඉතා වේගයෙන් පැතිර යයි.චීන ආර්තිකයට මෙන්ම එම කලාපයේ බොහෝ රටවල ආර්ථික තත්වයන්ට හානි ඇතිවේ.නැගණහිර ආසියානු කලාපයේ රටක බලවත් ස්වාභාවික විපතක් සිදුවිය හැකිය.ජලයෙන් සුලගින් සහ ගින්නෙන් එම එම විපත් ඇතිවේ.භූමිකම්පාවක් බරපතල ආකාරයෙන් සිදුවීමටත් ඉඩ ඇත.මුහුදු ප්‍රවාහන අංශයට බාදා ඇතිවේ.මුහුදු අනතුරුද ඇතිවනු ඇත.අරාබිකරයේ යුද ගැටුම් වෙනත් රටවල් කරාද පැතිර යයි.කලාකරුවන්ටත් ක්‍රිඩකයන්ට ගත්කතුවරුන්ට හා ලෝකය පුරා නාමයක් දිනා සිටින පුද්ගලයන්ට මාරක ඇතිවේ.

ලංකා කුම්භ ලග්න කේන්ද්‍රය ගත්විට ලග්නාධිපති ග්‍රහයා දසවැන්නේ ගමන් කරමින් සිටී.ශ්‍රී ලංකාව භූමියක් ලෙස ගත්කල සුබ අසුබ සම සමව යෙදෙන වසරක් ලෙස  2015 වර්ෂය හැදින්විය හැකිය.ලග්නයට , නමවැන්නට සහ එකොලොස්වැන්නට පාප කර්තරී යෝග යෙදී ඇති මොහොතක නව වසර උදාවීම මත පාලකයන්ට එතරම් යහපත් තත්වයක් ඇතිනොකරයි.කම්කරු අරගල , ගැටුම් , ඉල්ලීම් ආදිය වැඩි වශයෙන් ඇතිවේ.ජනතාව තුල ආගම දහම කෙරෙහි පැවති භක්තිය අඩුවී යයි.රටේ බටහිර සිට දකුණ දක්වා මුහුදු කලාපය සහ අනෙකුත් ප්‍රදේෂ තුල ස්වාභාවික විපතක් ඇතිවිය හැකිය.එමෙන්ම දරුණු වසන්ගත රෝග පැතිරීමේ අවදානමක්ද දරුණු අනතුරක් ඇතිවීමේ අවදානමක්ද පවතී.එම අවදානම් තත්වය 2016.01.29 දක්වාම පවතී.කුමන ගැටලු පැවතියත් රාජ්‍ය පාලනය විසින් බොහෝ ගැටලු සමතයකට පත්කරනු ඇත.2015 වසරේ මැදභාගයෙන් පසුව රටතුල ආර්තික තත්වයේ විශේෂ වර්ධනයක් ඇතිවේ.විදෙස් සතුරු බලවේග මෙන්ම දේශීය සතුරු බවේගද ක්‍රියාත්මක උවත් පැහැදිලි ජයග්‍රහනයක් ලැබීමට පාලකයන්ට හැකිවනු ඇත.

මේෂ ලග්නයේ සිට මීන ලග්නය දක්වා ලග්න දොලසින් උපන් ඔබට 2015 වසරේ ඇතිවිය හැකි සුබ අසුබ තත්වයන් මෙසේය.

මේෂ ලග්නය

මේෂ ලග්නයට එතරම් බලවත් යහපත් තත්වයක් මේ වසරේදී බලාපොරොත්තු විය නොහැක.ඔබ 2015 වසර පුරාවටම ඒරාශ්ටක අපල තත්වයකට හසුව සිටී.විශේෂයෙන් රැකියාව ආදායම් සහ විවාහය සම්බන්දව දුර්වලතා ගැටලු ඇතිවනු ඇත.නව රැකියා බලාපොරොත්තු ඉටුකරගැනීමට වැඩි වෙහෙසක් දැරීමට සිදුවේ.පවතින රැකියාව ස්තාවරව පවත්වා ගැනීමට වෙනදාට වඩා වැඩි කැපකිරීමක් සිදුකිරීමට සිදුවේ.ආර්තික අගහිගතා ඇතිවේ.ඉතිරිකල ධනය වැයවීමක්ද සිදුවිය හැකිය.විවාහ දිවිය එතරම් සතුටින් පිරි බවක් ඇතිනොකරයි.ස්වාමියා හෝ බිරිද අසනීප වීමක් සිදුවේ.එයින්ද මේෂ ලග්න හිමියාට පීඩාවට පත්වීමට සිදුවේ.විවාහ බලාපොරොතුවෙන් සිටින ඔබට එම බලාපොරොත්තුව සිතන පතන ආකාරයෙන් ඉටුකරගැනීමට නොහැකිවේ.බොහෝ විට විවාහය ප්‍රමාදවීමක් සිදුවේ.වසර මැද භාගයෙන් පසුව ප්‍රේම සබදතා ඇතිවිය හැකිය.එම සබදතා බොහෝවිට සාර්තක සබදතාවයක් වන්නේ නැත.සතුරා මිතුරු වන සතුරා සහ මිතුරා අතර පරතරය හදුනා ගැනීමට අපහසුවන කාලයක් නිසා ඒ සම්බන්දව සැලකිලිමත් වන්න.

2015 වසර මැද භාගයෙන් පසුව ඉගනීම් සම්බන්දව පැවති දුබලතා තරමක් දුරට අවමවීමක් සිදුවේ.දරුසම්පත් බලාපොරොත්තු මේෂ ලග්න හිමියන්ටද යම්කිසි සහනයක් ලැබෙනු ඇත.වාත රෝග හිසේ කැක්කුම සහ වසන්ගත රෝග තත්වයන්ට හසුවිය හැකිය.ස්නායුගත දුබලතා ඇතිවේ.අමනුෂ්‍ය දෝෂ සහිත කාලයකි.සතා සිවුපාවාගෙන්ද ප්‍රවේෂම් වීම යහපත්ය.සර්පයන්ගේ විෂ ශරීරගතවිය හැකිය.

වෘෂභ ලග්නය

2015 වසර වෘෂභ ලග්න ඔබට සමඵල උදාවන වසරකි.වසර මුල් කාලය තුල රැකියාව සම්බන්දව ගැටලු ඇතිවේ.ආර්ථික තත්වයේද යම්කිසි දුර්වලතාවයක් ඇතිවේ.සොර සතුරු කරදර ඇතිවේ.ඉගනීම් කටයුතු අතපසුවීමට වෙනත් කරුණු ඇතිවේ.වෘෂභ ලග්න දෙමාපියන්ගෙන් දරුවන්ට අපල ඇතිවේ.2015.07.13 දක්වාම විවාහ බලාපොරොත්තු ඉටුකරගැනීමට අවස්තාව පවතී.නොගැලපෙන සබදතා ඇතිවන කාලයකි.එම සබදතා හේතුවෙන් තම තත්වයට ගෞරවයට හානි ඇතිවේ.ගමන් බිමන් අධික කාලයකි.විනෝද ගමන් යෑමට අවතා ලැබෙනු ඇත.රැකියා බලාපොරොත්තු ඉටුවන වසරකි.වසරේ අගවන විට රැකියා උසස්වීම් බලාපොරොත්තු වෘෂභ ලග්න හිමියන්ට ඒ සම්බන්දව කටයුතු කිරීමට යහපත් ග්‍රහ තත්වයක් ඇතිවේ.දේපල දියුණු කරගැනීමට නව වැඩපිලිවෙලක් සැකසේ.නිවාස කටයුතු ඇරබීමට යහපත්ය.

එමෙන්ම ගුප්ත කටයුතු සදහා යොමුවන කාලයකි.එවැනි විෂයක් ඉගනීමටත් යහපත්ය.ඔබගේ  නාමය සමාජයේ ප්‍රසිද්ධ වේ.විදෙස් ගමන් හෝ රැකියා බලාපොරොත්තු ඔබට එම බලාපොරොත්තු ඉටුකරගැනීමට හැකිවේ.දරු සම්පත් බලාපොරොත්තු වෘෂභ ලග්නයේ අය සැලකිලිමත් විය යුතුය.ගබ්සාවීම් ආදී තත්වයන් ඇතිවීමේ අවදානමක් පවතී.

මිතුන ලග්නය

මිතුන ලග්නයට මෙම වසර විශේෂ යහපත්කම් බලාපොරොත්තු විය හැකි වසරකි.2014.11.02 වනදා සෙනසුරු ලග්නයෙන් හයවැන්නට පිවිසීම සමග විපරීත රාජ යෝගයක් මිතුන ලග්නයට උදාවිය.විශේෂ ආර්ථික ලාබ ලැබෙන කාලයකි.භූමි සම්පත් තුලින් ලබන ප්‍රතිඵලයද යහපත්ය.දේපල මිලදී ගැනීමට අවස්තාව ලැබේ.නව නිවසක කටුතු ආරම්බ කිරීමට බලාපොරොත්තු වූයේ නම් එම කටයුතු සුලුවෙන් හෝ ආරම්බ වනු ඇත.සතුරු බලය මර්ධනයවේ.තමාට එල්ලවී පැවති චෝදනාවන්ගෙන් නිදහස් වීමට අවස්තාව ලැබෙනු ඇත.ඔබගේ වටිනා කම තම නිවසට , ගමට නෑ හිතවතුන්ට දැනෙන්නට පටන්ගනී.

රැකියා ලාබ ලැබේ.අන් අයගේ සහයෝගයෙන් ඔබගේ කටයුතු පහසුවෙන් කරගැනීමට අවස්තාව උදාවනු ඇත.කාලයක් අපනාපයෙන් සිටි අය නැවත ඔබ සොයා පැමිණෙනු ඇත.2015 වසරේ ජුලි 13 වනදා ගුරු ලග්නයෙන් තුන්වැන්නට පිවිසීම අනුව මිතුන ලග්න හිමියන්ට මංගල යෝග උදාවනු ඇත.ඒ අනුව විවාහ බලාපොරොත්තු ඔබගේ සිහින ඉටුවන වසරක් ලෙස 2015 වසර හැදින්විය හැකිය.ප්‍රේම සබදතා ඇතිවේ.විදෙස්ගතවීම් සදහා යහපත්වේ.ඉගනීම් අංශය තරමක් දුරට බාදාවකට හසුවිය හැකිය.ගැබ්බර මව්වරුන්ට අතුරු රෝගාබාධ ඇතිවිය හැකිය.

විශේෂයෙන් මිතුන ලග්න හිමියන්ට හදිසි අනතුරු , වැටීම් සීරීම් තත්වයන්ද , රක්ත හීනතාවය වැනි ශරීරය දුර්වල කරන රෝග තත්වයන්ද ඇතිවිය හැකිය.

කටක ලග්නය

කටක ලග්න හිමියන්ට ගුරු හංස සහ රුචක යන පංචමහා පුරුෂ යෝග උදාවී ඇති මොහොතක 2015 නව වසර උදාවේ.කෙසේ වෙතත් මෙම වසර ඔබට සුබාසුබ මිශ්‍රව ගෙවීයනු ඇත.ආර්තික දුබලතා මෙම වසර තුලදී බලවත් ආකාරයෙන් ඇති නොවේ.සෙනසුරු ලග්නයෙන් පස්වැන්නේ මහා යෝගාධ ග්‍රහයෙකුවී සිටින හෙයින් මහන්සිය ගැන නොතකා කටයුතු කිරීමට සිදුවේ.ඒ හේතුවෙන් ආර්ථික තත්වය යහපත්වේ.2015.07.13 වනදා ගුරු ලග්නයෙන් දෙවැන්නට ධනස්තානයට පැමිණීමද යහපත්ය.නමුත් ගෘහ ජීවිතය පිලිබදව ගැටලු ඇතිකරයි.දේපල ගැටලු ඇතිවේ.තම මවටද අයහපත් වේ.

විවාහ බලාපොරොත්තු ප්‍රමාදවීමක් ඇතිවේ.නොගැලපෙන සබදතා ඇතිවන කාලයකි.රහසින් හෝ පව් කරන කාලයකි.වැඩිහිටියන්ගේ ඇසුර ලැබේ.උසස් අයගෙන්ද උපකාර ලැබිය හැකි කාලයක් උවත් යම් අවස්තාවක ඔබ රැවටීමකට , මුලාවීමකට හසුවිය හැකිය.විශේෂයෙන් කාන්තා පාර්ෂවයට මෙම ගැටලුව බලවත්ව යෙදෙනු ඇත.කෙසේ වෙතත් ඉගනීම් කටයුතු යහපත්ය.රැකියා උසස්වීම් සදහා නව දැනුමක් ලබාගැනීමට යහපත්ය.මේ අතරම සිත් වේදනා කණගාටුද ඇතිවේ.ප්‍රේම සබදතා බිදවැටීමක් දක්වා දුර්වලවේ.

විදෙස්ගතවීම් සදහා යහපත්ය.සහෝදර සහෝදරියන් සමග ගැටලු ඇතිවේ.අසල් වැසියන් හිතවතුන් නිකරුනේ අමනාප වන කාලයකි.මෙම ලග්නයටද දෙමාපියන්ගෙන් දරුවන්ට අපල ඇතිවේ.දරුවන්ගේ වෙනදා ඇතිනොවූ ප්‍රශ්ණ ගැටලු සදහා මුහුණ දීමට දෙමාපියන්ට සිදුවනු ඇත.බඩ යටිබඩ ප්‍රදේශයේ රෝග දුර්වලතා ඇතිවේ.විශේෂයෙන්ම උශ්ණ රෝග ඇතිවේ.වෙහෙසකර වසරක් උවත් ආර්ථික වාසියක් ලැබිය හැකි වසරක් ලෙස 2015 වසර කටක ලග්න හිමියන්ට ගෙවීයනු ඇත.

සිංහ ලග්නය

2015.07.13 දක්වා වූ වසරේ මුක් කොටස සිංහ ලග්න හිමියන්ට සමඵලදායකිවේ.එනම් සුබ පල සමගම අසුබ තත්වයන්ද ඇතිවේ.අසල් වැසියන් සමග පැවති හිතවත් කම් බිදී යයි.ගමන් බිමන් අධිකවේ.වියදම් තත්වයද වැඩිවේ.ගෘහ ජීවිතයද එතරම් සර්තකව පවත්වා ගැනීමට හැකියාව නොලැබෙන කාලයකි.ශණික කෝපකාරී තත්වයන් ඇතිවේ.තම දේපල වටිනා බාන්ඩ සම්බන්දව ගැටලු ඇතිවන කාලයකි.රැකියාවේද උස් පහත්වීම් ඇතිවේ.ඉගනීම් තත්වයේද වැඩි වෙනසක් ඇතිනොවේ.කෙසේ වතත්

2015.07.13 වනදා සිංහ ලග්නයට ගුරුගේ පැමිණීමත් සමග,සිංහ ලග්නයේ ඔබට රාජ යෝග තත්වයක් උදාවේ.ලග්නයේම යෙදෙන හෙයින් ඉතා යහපත් ප්‍රතිඵල ලැබෙනු ඇත.ඉගනීම් ඉතා සාර්තකව සිදුවන කාලයකි.විශේෂ තරග විභාගයන්ට ඉදිරිපත්වීමෙන් සිතනවාට වඩා යහපත් ප්‍රතිපල ලැබෙනු ඇත.ස්තිර වශයෙන්ම ප්‍රේම සබදතාවයක් ඇතිවේ.එම සබදතාවය ස්තිරව පවත්වා ගැනීමටත් හැකියාව ලැබෙනු ඇත.අවිවාහකයන් සදහා බලවත් මංගල අවස්තාවක් උදාවන අතර යහපත් විවාහයක් සිදුවනු ඇත.

සිංහ ලග්නයේ මාධ්‍යවේදීන්ට ,ගුරුවරුන් ,විද්වතුන් ,පොත් රචකයන් ආදීන්ට ගරු සැලකිලි සම්මාන තනතුරු තානාන්තර ලැබෙන කාලයකි.දරු සම්පත් බලාපොරොත්තුවෙන් සිටින අයටත් විදෙස්ගතවීමේ බලාපොරොත්තුවෙන් සිටින අයටත් තම බලාපොරොත්තු ඉටුකරගැනීමට අවස්තාව උදාවනු ඇත.හදවත් අසනීප ඇතිවිය හැකිය.පපුවේ වේදනාවන් විටින් විට ඇතිවේ.සැත්කම් සදහා මුහුණ දීමට සිටින අය සැලකිලිමත් විය යුතුය.

කන්‍යා ලග්නය

කන්‍යා ලග්නයට ලග්නාධිපති වන බුධ සහ යෝගකාරක ග්‍රහයා වන සිකුරු ග්‍රහයන් එක්ව ධර්ම කර්මාධිපති රාජ යෝගයත් රාජ ලක්ෂ්මී යෝගයත් උදාවී පවතින මොහොතක 2015 නව වසර උදාවේ.වසර හතයි මාස හයක් පුරා පැවති ලග්න ඒරාශ්ටක අපලය අවසන්වී ඇත.නව ඉගනීම් සදහා යොමුවීමට ඉතා යහපත්වේ.තරග විභාගයන්ගෙන් විශිෂ්ට ජයග්‍රහන නිමිවේ.විවාහය සම්බන්දව යම්කිසි දුර්වලතා ඇතිවේ.ආර්ථික තත්වය යහපත් උවත් ලැබෙන මුදල ඉතිරියක් දක්වා පවත්වා ගැනීමට අපහසුවේ.මේ අතරම හදිසි ධන ලාබද ඇතිවේ.

තම නම සමාජයේ ප්‍රචලිතවේ.සහෝදර පක්ෂයට තරමක් අසුබ තත්වයන් ඇතිවේ.ඉතා කිට්ටු හිතවතුන් අමනාපවිය හැකිය.නමුත් පෙර සිටියාට වඩා බලවත් හිත මිතුරන්ගේ සහයෝගය සහ ඇසුර ඇතිවේ.රැකියා සහ විවාහ බලාපොරොත්තු ඉටුවන කාලයකි.දරු සම්පත් බලාපොරොත්තු ඔබට වාසනාවන්ත දරුවන් පිළිසිදගන්නවා ඇත.

නමුත් වචන භාවිතයේදී ප්‍රවේසම් විය යුතුය.තමාගේ තත්වයට නොගැලපෙන ආකාරයේ වචන භාවිතය සහ දුර දිග නොබලා කතා කිරීමට යාමෙන් තමාට බොහෝ පාඩු සිදුවිය හැකිය.දත් දිරායාම් ආදී කැල්සියම් ඌනතාවයන්ද කෙටි ගමන් බිමන් වලදී ඇතිවන හදිසි අනතුරු ආදියෙන්ද පීඩාවන් ඇතිවේ.

තුලා ලග්නය

තුලා ලග්නයට මේ 2015 වසර උදාවන මොහොතේ ලග්න ඒරාශ්ටක අපල තත්වයේ අවසාන කොටස උදාවී පවතී.2017 දක්වා ලග්න ඒරාශ්ටක අපලය පවතී.එමෙන්ම සෙනසුරු දෙවැන්නේ සිටින මොහොතේ රාහු ග්‍රහයා දොලොස්වැන්නේ සිටිමින් ලග්නයට පාප කර්තරී අසුබ යෝගය ගොඩනගා ඇත.තම වැඩ කටයුතු සාර්තක නොවන තත්වයක් ඇතිකර තිබේ.නින්දා අපහාස සහ චෝදනා එල්ල වන කාලයකි.කෙසේ වෙතත් ඒරාශ්ටක අපලය ගෙනෙන සෙනසුරු ග්‍රහයා යෝගාද ග්‍රහයෙකු ව සිටීම අනුව ආර්තික ශක්තිය සමබරව පවත්වා ගැනීමට හැකියාව ලැබෙනු ඇත.

රැකියා බලාපොරොත්තු ඉටුවන නමුත් බලාපොරොත්තුව ඒ ආකාරයෙන්ම ඉටුවන්නේ නැත.වැඩි කැපවීමකින් මිස පහසුවෙන් කිසිදු කටයුත්තක් සාර්තක කරගැනීමට නොහැකිවේ.වෙහෙස මහන්සිය නොබලා කටයුතු කලහොත් වෙනදා ලබන ප්‍රතිඵලයට වඩා වැඩි යහපත් ප්‍රතිඵලයක් ලැබිය හැකිය.ඉගනීම් කටයුතු සම්බන්ද තත්වයද එසේමය.

කෙසේ වෙතත් විවාහ දිවිය සම්බන්ද ගැටලු තවදුරටත් පවතිනු ඇත.2015.07.13 න් පසුව ගුරු එකොලොස්වැන්නට පැමිණීමෙන් පසුව විවාහ වීමට බලාපොරොත්තුවෙන් සිටින තුලා ලග්න හිමියන්ට යම්කිසි සහනයක් ලැබෙනු ඇත.මේ මොහොතේ ගුප්ත විද්‍යාවන් කෙරෙහි ඔබගේද සිත ඇදී යයි.දුරදිග නොබලා සබදතා ඇතිකරගනී.සතුරන් ලන්වන මිතුරන් ඈත්වන කාලයකි.හිස ආශ්‍රිත රෝග තත්වයන් , උණ ආදී පැතිර යන රෝගයන්ගෙන් ආරක්ෂා විය යුතුය.ආර්ථික තත්වයට සෙනසුරු විසින් කිසියම් සුබ බලපෑමක් ඇතිකර තිබුණද අනෙකුත් අංශයන් ඒරාශ්ටක අපල තත්වයෙන් පීඩාවට පත්ව ඇති හෙයින් සැලකිලිමත්ව කටයුතු කිරීම යහපත්වේ.

වෘශ්චික ලග්නය

වෘශ්චික ලග්නයටද 2015 වසර එතරම් යහපත් වසරක් නොවනු ඇත.ඔබ මේ මොහොතේ ලග්න ඒරාශ්ටක අපලයක මැද අවස්තාව ගෙවමින් සිටී.එනම් සෙනසුරු ග්‍රහයා මේ මොහොතේ ලග්න රාශිය තුල ගමන් කරමින් ඇත.එම තත්වය හේතුවෙන් වෘශ්චික ලග්නයේ ඔබට 2015 වසර පුරාවටම ඒරාශ්ටක අපලයට මුහුණ දීමට සිදුවනු ඇත.බුද්ධිමත් බව යටපත්වී හදිසි ක්‍රියාකාරිත්වය නිසා බොහෝ පාඩු සිදුවිය හැකිය.උපයන මුදල ඉතිරි කිරීමට ආයෝජනය කිරීමට තිබෙන අවස්තාවන් අවමවේ.අනවශ්‍ය වියදම් බොහොමයක් සිදුවනවා ඇත.වක්‍රකාරයෙන් නීතිමය ගැටලු ඇතිවේ.රෝගී තත්වයන් නිසා රෝහල් ගතවීමක් උවද සිදුවිය හැකි කාලයකි.

ඉගනීම් කටයුතු සාමන්‍ය ආකාරයෙන් පවත්වාගෙන යා හැකිය.2015.07.13 වනදායින් පසුව රැකියාවේ වනසක් ඇතිවේ.එම වෙනස එතරම් යහපත් නොවනු ඇත.එමෙන්ම රැකියා බලාපොරොත්තුවෙන් සිටි අයට රැකියා අවස්තා ලැබෙන කාලයකි.පියාගේ උරුම දේපල සම්බන්දව කටයුතු යෙදේ.හිසේ ආබාධයන්ට ලක්වීමේ අවස්තා පවතී.

ධනු ලග්නය

මෙවර 2015 නව වසර උදාවන්නේ ධනු ලග්නය උදාවී පැවති මොහොතකවේ.ලග්න ගතව රවි බුධ ග්‍රහය්න් සිටීමෙන් ධර්ම කර්මාධිපති රාජ යෝගයද ධනු ලග්නයට උදාවී පවතී.නමුත් එම ලග්නගත ග්‍රහයන් අතරින් බුධ බාධක ග්‍රහයෙකු වන හෙයින් බාදා කරදර වලට මුහුණ දීමට ධනු ලග්න හිමියාට සිදුවනු ඇත.එමෙන්ම ධනු ලග්නයේ ඔබට ඉදිරියට වසර හතයි මාස හයක් පුරාවට පවතින සෙනසුරුගේ ලග්න ඒරාශ්ටක අපලයද උදාවී ඇත.එම දුර්වලතාවයන් සමග 2015 වසර ගෙවීයනු ඇත.

වැඩිහිටි සහෝදර සහෝදරියන්ගෙන් ලැබෙමින් පැවති උදව් උපකාර නවතින කාලයකි.රැකියාව හේතුවෙන් කායික සහ මානසික පීඩාවන් ඇතිවනු ඇත.රැකියාවේ වෙනසක්ද ඇතිවන කාලයකි.ලැබීම් දුර්වලවීමක් මෙම වසර පුරාවටම පවතී.බොහෝ හිතවත් මිතුර මිතුරියන් ඔබගෙන් වෙන්ව යන කාලයකි.නොගැලපෙන හිත මිතුරන් ඇතිවන අතර ඔවුන් නිසා ඔබගේ වියදල් තත්වයද ඉහල යනු ඇත.ඊට අමතරව නීතිමය ගැටලු පවා ඇතිවීමේ අවධානමක් පවතී.

විවාහ දිවියට යම් යම් අසුබ බලපෑම් ඇතිවනු ඇත.සමගියට බාදා ඇතිවේ.ස්වාමියා හෝ බිරිද අසනීප තත්වයකට පත්විය හැකිය.නමුත් විවාහ බලාපොරොත්තු ධනු ලග්න හිමියන්ට තවමත් ඒ සදහා අවස්තාව පවතී.2015.07.13න් පසුව ඉගන ගන්න දරුවන්ට යහපත් වනු ඇත.නව ඉගනීම් සදහා යොමුවීමටත් විදෙස්ගත උසස් අධ්‍යාපන වරම් හිමිකර ගැනීමටත් හැකිවේ.

දේපල හානි ඇතිවිය හැකි කාලයකි.හදිසි අනතුරු වැටීම් සීරීම් සිදුවේ.දුර බැහැර ගමන් වලදී හදිසි අනතුරු ඇතිවිය හැකිය.

මකර ලග්නය

ගුරු හංස සහ රුචක යන පංචමහා පුරුෂ යෝග දෙක උදාවී පවතින මොහොතක මකර ලග්න හිමි ඔබට 2015 වසර උදාවේ.ලග්නාධිපති සෙනසුරු ග්‍රහයා බාදකස්තානය වන එකොලොස්වැන්නේ ගමන් කරයි.සෙනසුරුට එකොලොස්වැන්න යහපත් උවත් මකර ලග්නයට බාධක ස්තානය,එකොලොස්වැන්න වන හෙයින් සෙනසුරු එකොලොස්වැන්නට පැමිණීමේ සුබ තත්වයන් දුර්වලවී යයි.කෙසේ වෙතත් ගුරු ග්‍රහයා හත්වැන්නේ බලවත්ව සිටීම අනුව ඇතිවන බාදාවන් ජයගැනීමට හැකියාවක් ලැබේ.රැකියාව සම්බන්දව ගැටලු ඇතිවේ.යටපත්ව පැවති රහසක් හෙලිවීම වැනි සිදුවීමක් හේතුවෙන් රැකියා ස්තානයේ ගැටලු ගොඩනැගේ.ආගම දහම කෙරෙහි පවත්වන විස්වාසය දුර්වලවී ආගම දහමින් ඈත්වී කටයුතු කරයි.

විවාහ බලාපොරොත්තු 2015.07.13 දක්වා කාලයේදී ඉටුකරගත යුතුය.යහපත් විවාහයක් සදහා යොමුවීමට හැකියාව පවතී.නමුත් ගුරු ග්‍රහයා අටවැන්නට 2015.17.13 වනදා පිවිසීමෙන් අනතුරුව මංගල යෝග අවස්තාවන් දුර්වල වීමක් සිදුවේ.වැඩිහිටි උදව් උපකාර ලැබෙන කාලයක් උවත් තම පියාට තරමක අයහපත් තත්වයක් ඇතිකරනු ඇත.ඉඩම් දේපල සම්බන්දව ගැටලුකාරී තත්වයන් විසදා ගැනීමට හැකි වසරකි.නව දේපලක් මිලදී ගැනීමට හැකිවනු ඇත.ඉගනීම් කටයුතු වැඩි බාදාවකින් තොරව පවත්වා ගැනීමට හැකි වසරකි.ප්‍රේම සබදතා කැඩීබිදී යා හැකිය.විදෙස්ගතවීමේ අවස්තා පවතින අතර දරු සම්පත් සදහාද යහපත් කාලයකි.දනිස් අමාරු , කොන්දේ අමාරු වැනි වාත රෝග තත්වයන් ඇතිවිය හැකියි.2015 වසරේ මැද භාගයෙන් පසුව ආහාර විසවීමක් ,  විෂ ශරීරගතවීමක් ඇතිවිය හැකිය.

කුම්භ ලග්නය

කුම්භ ලග්නයේ ඔබට මේ වසර වැඩි සුබදායක බවක් ඇති නොකරයි.රැකියාව පිලිබදව ගැටලු ඇතිවේ.රැකියාව වෙනුවෙන් වැඩි කැපවීමක් සහ කාලයක් ගතකිරීමට වන හෙයින් නිවසේ තම වගකීම් මගහැරී යයි.එම නිසා නිවසේ කටයුතුද සාමකාමීව පවත්වාගෙන යාම අපහසුවේ.ආර්ථික ශක්තිය දුර්වල වීමක් සිදුවන කාලයකි.වැඩි ලාබයක් හෝ වැඩි පාඩුවක් නොලබාම තම රැකියා ව්‍යාපාර පැවතෙනු ඇත.සිතට අසහනකාරී බවක් ඇතිවේ.කායික වෙහෙසද වැඩි වශයෙන් දැනෙනා කාලයකි.

විවාහ දිවියටද බාදා ගැටලු ඇතිවේ.බිරිද හෝ ස්වාමියාගේ අසනීප තත්වයන් වර්ධනය වීමක් සිදුවේ.මේ අතරම ඇති හැකි අයෙකුගේ උදව් උපකාරද ලැබෙනු ඇත.පාප මිත්‍ර සේවනයට යොමුවන තත්වයක් පවතී.එවැනි සිදුවීමකින් 2016.01.29න් පසුව තම ගෞරවයට හානියක් ස්තිර වශයෙන්ම සිදුවනු ඇත.සතුරු කරදර පවතින කාලයකි.මිතුරුව සිටිමින් සතුරා ඔබට විණ කරනවා ඇත.ඉගනීම් සම්බන්දව බලවත් ගැටලු ඇතිනොවේ.

තමා උපයා සපයාගත් දේපල සම්බන්දව සැලකිලිමත්විය යුතුය.මවගේ සහ පියාගේ සෞඛ්‍ය තත්වයන් පිරිහී යන කාලයකි.ඔබට අපුවේ ආබාද සහ කණස්සලු තත්වයන් ඇතිවිය හැකිය.

මීන ලග්නය

මීන ලග්නයට ලග්නාධිපති ගුරු ග්‍රහයා පස්වැන්නේ බලවත්ව සිටිනා මොහොතක ඔබට 2015 වසර උදාවේ.වසර දෙකයි මාස හයක් පුරා පැවති ලග්න ඒරාශ්ටක අපල අවසන්වී ඇති මොහොතක නව වසර උදාවීම යහපත්ය.අපල සමයේ දුර්වල වූ බොහෝ දේ නැවත ගොඩනගා ගැනීමට මෙම වසර තුල ඔබට හැකිවනු ඇත.

ප්‍රමාද වෙමින් පැවති විවාහ බලාපොරොත්තු ඉටුවීමට යහපත් තත්වයක් උදාවී ඇත.නමුත් විවාහ දිවි ගතකරන ස්ත්‍රි පුරුෂ දෙපක්ෂයටම ගැටලුකාරී තත්වයන් ඇතිවේ,කේලම් ඕපාදූප හේතුවෙන් විවාහ සබදතාවය දුර්වලවීමටද අවස්තා පවතී.යහපත් ප්‍රේම සබදතාවයක් සදහාද අවස්තාව 2015 වසරේ මුල් කාලයේදී ඇතිවේ.2015 වසර මැද භාගය පසුවීමත් සමග සතුරු කරදර ඇතිවේ.තමාගේ තත්වයට ගෞරවයට හානි වන ආකාරයෙන් මිතුරු වෙසින් සිටින සතුරා විසින් කටයුතු කරනු ඇත.

උසස් ඉගනීම් සදහා යොමුවීමටත් තරග විභාගයන්ට මුහුණ දීමටත් කාලය යහපත්ය.දරුඵල වාසනාව ගෙනෙනා කාලයකි.ආගම දහම කෙරෙහි වෙනදාට වඩා පැහැදීමක් ඇතිව කටයුතු කරයි.වන්දනා ගමන් මෙන්ම නිවසෙන් බැහැර විනෝද චාරිකාද යෙදෙන වසරකි.පැවති මානසික බාදාවකින් නිදහස් වීමට අවස්තාව ලැබෙනු ඇත.ආර්ථික තත්වය යහපත්වේ.වැඩිහිටි උරුමයන් ලැබෙන කාලයකි.

මුහුණේ උශ්ණ රෝග තත්වයන් ඇතිවේ.විෂ ශරීරගත වීමක් සිදුවිය හැකිය.

ජනක පී කුමාර විසිණි.
හඳහන ලංකා ජොතිෂ්‍යය සේවය