කොරෝනා ව්‍යවසනය හේතුවෙන් මිනිස් ක්‍රියාකාරකම් අඩුවීම මත වායු දූෂණය අවම වීම නිසා අහස ඉතාම පැහැදිලිව දිස්වන හෙයින් වලාකුළු රහිත විට දී තාරකා විද්‍යා නිරීක්ශණ කිරීමේ ඉතා විරල අවස්ථාවක් මේ දිනවල උදාවී තිබෙනවා. ඒ අනුව අප්‍රේල් 16 වනදා සිට අප්‍රේල් 25 කාලය තුලදී එකිනෙකට ඉතා සමීපව අහස් මුදුනට ආසන්නව පිහිටි බ්‍රහස්පති, සෙනසුරු සහ අඟහරු ග්‍රහලෝකත් සමගම හිරු නැගීමට පෙර නැගෙනහිර ක්‍ෂිතිජයට ඉහලින් ඇති බුධ ග්‍රහයා නිරීක්ෂණය කළ හැකියි.
එසේම පැරණිතම වාර්ෂික උල්කාපාත වර්ෂාවක් වන ලයිරිඩ්ස් ද අළුයම් කාලයේදී දැක ගත හැකි බවයි කොළඹ විශ්ව විද්‍යාලයේ භෞතික විද්‍යා අධ්‍යයනාංශයේ තාරකා විද්‍යා හා අභ්‍යවකාශ විද්‍යා ඒකකයේ අධ්‍යක්ෂ මහාචාර්ය චන්දන ජයරත්න සඳහන් කලේ.
ලයිරා තාරකා මණ්ඩලය දිසාවේ සිට උල්කා පැමිණෙනවා සේ දිස්වන හෙයින් මෙම උල්කා වර්ෂාව ලයිරිඩ්ස් නමින් හදුන්වන අතර මේ දිනවල විචිත්‍ර උල්කාපාත පැයකට 5 ක් පමණ දැකිය හැකි නමුත්, අප්‍රියෙල් 22 රාත්‍රියේ පෘථිවියට උල්කාපාත ප්‍රවාහයේ උච්චතම කොටස හමු වන අතර, ඒ සමඟ උල්කාපාත පැයකට 20 ක් හෝ ඊට වැඩි ව දැකගත හැකි බවයි මහාචාර්යවරයා ප්‍රකාශ කළේ.
මෙම උල්කාවන් වසර 415කට වරක් හිරු වටා ගමන් ගන්නා C / 1861 G 1 (තැචර් ධූමකේතුව) නම් වල්ගා තරුවක කක්ෂය අසලින් පෘථිවිය ගමන් ගන්නා විට එහි කක්ෂයයේ හැලි ඇති කුඩා බොරළු කැට ප්‍රමාණයේ සිට ධුලි අංශු දක්වා කුඩා කොටස් පෘථිවි ගුරුත්වාකර්ශනයේ බලපෑම මත තත්පරයට කිලෝමීටර 48 ක පමණ වේගයෙන් පෘථිවියට ඇදී එනවිට පෘථිවි වායුගෝලයේ ඝර්ෂණය නිසා රත්වී පොළොවට කිලෝමීටර 100 කට පමණ ඉහළ අහසේ ගිනියම්ව දැවෙන අවස්ථාවයි.
අප්‍රේල් මස 17 වනදායින් පසු චන්ද්‍රයා ක්‍රමයෙන් දසුනෙන් ඉවත්වන බැවින් සහ 23 අමාවක ඇතිවන බැවින් උල්කා උච්චතමය වන අප්‍රේල් මස 22 වෙනිදා වන විට අපට සම්පූර්ණ දර්ශනය බාධාවකින් තොරව බැලීමට ඉඩ සැලසෙන බව ඔහු ප්‍රකාශ කර සිටියා. දිගු වේලාවක් සිටගෙන සිටීමෙන් හා බෙල්ලෙන් ඇති වන වේදනාව වළක්වා ගැනීම සඳහා උල්කා වර්ෂාව නරබන අය උතුරු අහස පෙනෙන සේ බිම ඇතිරිල්ලක් දමා වැතිර සිටීම හෝ උද්‍යාන පුටුවක ඉද ගැනීම වඩා යෝග්‍ය වනවා.
එසේම ඉදිරි සතිය තුල අනෙකුත් ග්‍රහයන් සහ ලියිරිඩ් උල්කා වර්ෂාව නිරීක්ෂණය කිරීමට හොඳම කාලය අළුයම 4.00 සිට 5.30 දක්වා කාලය බවයි සඳහන් වන්නේ.
එසේම පැරණිතම වාර්ෂික උල්කාපාත වර්ෂාවක් වන ලයිරිඩ්ස් ද අළුයම් කාලයේදී දැක ගත හැකි බවයි කොළඹ විශ්ව විද්‍යාලයේ භෞතික විද්‍යා අධ්‍යයනාංශයේ තාරකා විද්‍යා හා අභ්‍යවකාශ විද්‍යා ඒකකයේ අධ්‍යක්ෂ මහාචාර්ය චන්දන ජයරත්න සඳහන් කලේ.
ලයිරා තාරකා මණ්ඩලය දිසාවේ සිට උල්කා පැමිණෙනවා සේ දිස්වන හෙයින් මෙම උල්කා වර්ෂාව ලයිරිඩ්ස් නමින් හදුන්වන අතර මේ දිනවල විචිත්‍ර උල්කාපාත පැයකට 5 ක් පමණ දැකිය හැකි නමුත්, අප්‍රියෙල් 22 රාත්‍රියේ පෘථිවියට උල්කාපාත ප්‍රවාහයේ උච්චතම කොටස හමු වන අතර, ඒ සමඟ උල්කාපාත පැයකට 20 ක් හෝ ඊට වැඩි ව දැකගත හැකි බවයි මහාචාර්යවරයා ප්‍රකාශ කළේ.
මෙම උල්කාවන් වසර 415කට වරක් හිරු වටා ගමන් ගන්නා C / 1861 G 1 (තැචර් ධූමකේතුව) නම් වල්ගා තරුවක කක්ෂය අසලින් පෘථිවිය ගමන් ගන්නා විට එහි කක්ෂයයේ හැලි ඇති කුඩා බොරළු කැට ප්‍රමාණයේ සිට ධුලි අංශු දක්වා කුඩා කොටස් පෘථිවි ගුරුත්වාකර්ශනයේ බලපෑම මත තත්පරයට කිලෝමීටර 48 ක පමණ වේගයෙන් පෘථිවියට ඇදී එනවිට පෘථිවි වායුගෝලයේ ඝර්ෂණය නිසා රත්වී පොළොවට කිලෝමීටර 100 කට පමණ ඉහළ අහසේ ගිනියම්ව දැවෙන අවස්ථාවයි.
අප්‍රේල් මස 17 වනදායින් පසු චන්ද්‍රයා ක්‍රමයෙන් දසුනෙන් ඉවත්වන බැවින් සහ 23 අමාවක ඇතිවන බැවින් උල්කා උච්චතමය වන අප්‍රේල් මස 22 වෙනිදා වන විට අපට සම්පූර්ණ දර්ශනය බාධාවකින් තොරව බැලීමට ඉඩ සැලසෙන බව ඔහු ප්‍රකාශ කර සිටියා. දිගු වේලාවක් සිටගෙන සිටීමෙන් හා බෙල්ලෙන් ඇති වන වේදනාව වළක්වා ගැනීම සඳහා උල්කා වර්ෂාව නරබන අය උතුරු අහස පෙනෙන සේ බිම ඇතිරිල්ලක් දමා වැතිර සිටීම හෝ උද්‍යාන පුටුවක ඉද ගැනීම වඩා යෝග්‍ය වනවා.
එසේම ඉදිරි සතිය තුල අනෙකුත් ග්‍රහයන් සහ ලියිරිඩ් උල්කා වර්ෂාව නිරීක්ෂණය කිරීමට හොඳම කාලය අළුයම 4.00 සිට 5.30 දක්වා කාලය බවයි සඳහන් වන්නේ.
www.nethnews.lk
